Arrin në 7 numri i viktimave nga orteku i akullit në Itali
Arrin në 7 numri i viktimave nga orteku i akullit në Itali
![](https://alsat.mk/wp-content/uploads/2022/07/www-780x470.jpg)
Rritet bilanci i viktimave si pasojë e shkëputjes së një orteku nga mali në pjesën verilindore të Italisë.
Sipas zyrtarëve italianë, numri i viktimave ka shkuar në shtatë, ndërsa tetë të tjerë janë plagosur.
Katër nga shtatë viktimat tanimë janë identifikuar nga ekipet e shpëtimit dhe tre prej tyre ishin italianë.
Ekipet e shpëtimit kanë rifilluar kërkimin për 15 të zhdukur, duke përdorur helikopterë dhe dronë, shkruan BBC.
Teknikët e Shpëtimit Alpin kanë konstatuar se masa e shkëputur nga akullnaja Marmolada ka rënë me një shpejtësi prej 300 kilometrash në orë.
Orteku u përplas me grupin e alpinistëve të cilët ishin duke eksploruar shtegun, teksa ende nuk është e qartë se çfarë e shkaktoi shkëputjen.