Filipe Luis ka bërë hapa të sigurt në karrierën e tij si trajner në Brazil dhe pozicionohet si një nga favoritët për të marrë drejtimin e Atletiкo Madridit kur Diego ‘Cholo’ Simeone të largohet nga “Metropolitano”. Filipe Luis mori drejtimin e Flamengos në vitin 2024, pasi kishte drejtuar ekipet e të rinjëve dhe shpejt fitoi trofe si Kupa e Brazilit dhe Superkupa.
Në Brazil, ai shfaq një stil që të kujton vetë Simeonen: intensitet mbrojtës, aftësi për t’u tërhequr dhe mesazhe të forta për karrakterin dhe unitetin e ekipit.Performanca e tij ka tërhequr vëmendjen e shumë klubeve të Evropës. Pas humbjes në Kupën e Botës për Klube, shtypi evropian tashmë po tregon të ardhmen e tij në klubet elitare.Flamengo madje po negocion një zgjatje deri në vitin 2027, pjesërisht për të siguruar transferimin e saj në Kontinentin e Vjetër.
Kur Simeone të largohet nga Atletico Madrid, klubi do të kërkojë vazhdimësinë e ADN-së së ekipit me një trajner që identifikohet me stilin dhe filozofinë e ekipit. Filipe Luis duket të jetë një kandidat i natyrshëm. Përvoja e tij si lojtar i Atletikos i jep atij një avantazh simbolik: ai e njeh shtëpinë, kërkesat dhe mënyrat e sjelljes së klubit “Kolçoneros”.
Përfaqësuesi i tij i ri, Horhe Mendes, do të ishte një lojtar kyç në organizimin e kthimit të tij në Spanjë dhe lehtësimin e negociatave me Atletiko Madridin dhe klube të tjera evropiane. Afati kohor për zëvendësimin e tij do të varet nga momenti i saktë kur Simeone vendos të largohet: disa zëra e vendosin tranzicionin midis viteve 2026 dhe 2027, kur skuadra do të ketë nevojë për një jetë të re.
