Avioni me 40 pasagjerë në bord, doli jashtë pistës së aeroportit

Një avion me gati 40 pasagjerë në bord, përfshi dhe ministren Franceze të Kohezionit Territorial doli jashtë pistës së aeroportit Orly të enjten në mbrëmje. Sipas “Le Figaro” , avioni i kompanisë Fly Amelia , ku ndodhej dhe ministrja Caroline Cayeux u përfshi nga një stuhi teksa po ulej në aeroportin Orly të Parisit. Fatmirësisht piloti arriti të shmangë përplasjen në momentin e fundit por u detyrua të dalë jashtë pistës. Avioni po fluturonte nga Rodez. Ministrja Cayeux, në një deklaratë në llogarinë e saj në Tuitter, deklaroi se incidenti shkaktoi frikë por fatmirësisht nuk ka të lënduar. /Alsat.mk