Bajern Munihu prish planet e Real Madridit për reprezentuesin e Gjermanisë

Bajern Munihu duket se është gati t’i ofrojë një kontratë të pasur Xhamal Musiala-s, sipas “Sport”. Kontrata aktuale e yllit gjerman me klubin bavarez skadon në 2026-ën, por klubi nuk ka arritur akoma ta bindë lojtarin që të rinovojë.

Duket se lojtari kërkon një rritje të ndjeshme të rrogës dhe kjo gjë ka komplikuar planet e Bajern-it. Gjithashtu, Musiala po ndiqet edhe nga Real Madridi.

“Los Blankos” duan të përfitojnë nga situata dhe të marrin një tjetër yll në “Bernabeu”.

Për të shmangur rrezikun nga Reali, skuadra e Bajernit pritet t’i ofrojë Musiala-s 22 milionë euro në sezon, që do ta bënte futbollistin një nga më të paguarit të klubit.