Berisha iu kërkon ndjesë demokratëve që solli Bashën në krye të PD-së
“Thikë pas shpine” e ka cilësuar Sali Berisha, vendimin e kreut të PD-së në Shqipëri Lulzim Basha për ta përjashtuar nga grupi parlamentar.
Këtë deklaratë Berisha e ka bërë në prani të demokratëve në takimet që ai ka nisur dhe i ka quajtur si “foltorja”. Berisha nuk i ka kursyer edhe batutat duke e quajtur Bashën si “ish-kryetar” të PD-së ku në fakt legjitimisht Basha është kryetar i kësaj partie.
“Kryetari ynë, më falni ish-kryetari jonë u mor me karrigen e tij…. Lapsus. Zoti Basha u mor me karrigen e tij. Në atë kohë. Berisha doli “non grata” me një akuzë që ajo nuk ka asnjë fakt dokument dhe argument.” tha Berisha.
