Biden bisedon me mbretin saudit për të drejtat e njeriut

Presidenti i Shteteve të Bashkuara, Joe Biden, bisedoi në telefon me mbretin Salman të Arabisë Saudite. Biden vuri në pah rëndësinë që SHBA-ja u kushton të drejtave universale të njeriut dhe sundimit të ligjit, tha Shtëpia e Bardhë. Biden bëri telefonatën pasi lexoi një raport të SHBA-së për vrasjen e gazetarit saudit, Jamal Khashoggi, kritik i udhëheqjes saudite.

- Advertisment -

Raporti, që do të publikohet së shpejti, pritet të imlplikojë në vrasje djalin e mbretit, princin e kurorës, Mohammed bin Salman. Paraardhësi i Bidenit, Donald Trump, ka ndjekur lidhje më të ngushta me Arabinë Saudite.

Administrata e tij ka refuzuar një kërkesë ligjore për ta lëshuar raportin në formë të deklasifikuar, ndërsa Biden pritet të marrë një qëndrim më të ashpër.

Gjatë vrasjes brenda konsullatës saudite në Stamboll, në vitin 2018, trupi i Khashoggit është copëtuar. Princi i kurorës e ka mohuar përfshirjen.

Autoritetet saudite kanë fajësuar një grup agjentësh për vrasjen dhe kanë dënuar pesë individë me 20 vjet burgim, shtatorin e kaluar.

Shtëpia e Bardhë tha se presidenti Biden dhe mbreti Salman diskutuan edhe për “partneritetin e gjatë midis Shteteve të Bashkuara dhe Arabisë Saudite”, si dhe për kërcënimin që i kanoset Arabisë Saudite nga grupet pro-iraniane.

“Presidenti i tha mbretit Salman se ai do të punojë për ta bërë marrëdhënien dypalëshe sa më të fortë dhe sa më transparente”, thuhet në deklaratën e Shtëpisë së Bardhë./REL

 

LEXO EDHE:

Back to top button