Biden njofton tërheqjen e trupave nga Afganistani: Koha për t’i dhënë fund luftës

Presidenti i SHBA-së Joe Biden ka njoftuar zyrtarisht se do të tërheqë trupat e mbetura amerikane nga Afganistani deri në 11 shtator.

“Është koha për t’i dhënë fund luftës më të gjatë të Amerikës. Është koha që trupat amerikane të kthehen në atdhe,” tha Biden nga Salla e Traktatit të Shtëpisë së Bardhë.

Plani i tij është të tërheqë të gjitha forcat amerikane në 20 vjetorin e sulmit terrorist të 2001-t, që u koordinua nga Afganistani.

Shtetet e Bashkuara nuk mund të vazhdojnë të derdhin burime në një luftë të vështirë dhe të presin rezultate të ndryshme, tha Biden.

Pas kësaj, Biden shkoi në Seksionin 60 të Varrezave Kombëtare të Arlingtonit për të vizituar varret e trupave amerikane të vrara në Afganistan.

“Nuk ka asnjë distancë qetësuese në histori në Seksionin 60,” tha ai. “Është një kujtesë e kostos së luftës.”

Shtetet e Bashkuara , shpjegoi presidenti amerikan, arritën qëllimin e tyre në Afganistan 10 vjet më parë kur udhëheqësi i Al Kaedës, Osama bin Laden, u vra nga një komando amerikane, shkruan A2.

Presidenti Biden njoftoi se të 2500 trupat amerikane të mbetura në Afganistan do të fillojnë të tërhiqen duke filluar nga 1 maji dhe tërheqja do të përfundojë përpara 11 shtatorit.

Administrata amerikane fillimisht kishte planifikuar të tërhiqte trupat deri më 1 maj si pjesë e një marrëveshje paqeje që administrata Trump arriti me talebanët vitin e kaluar.

Ky shënon vendimin më të rëndësishëm të politikës së jashtme për Biden deri më tani në presidencën e tij.