Borisov: Jo dorëheqje para zgjedhjes së një asambleje kushtetuese

Alsat
14.08.2020 17:44

Kryeministri bullgar, Boyko Borisov tha sot se është i gatshëm të tërhiqet nga posti, por vetëm pasi deputetët të krijojnë një sistem për të zgjedhur një asamble kushtetuese me fuqi të gjerë.

“Asnjë veprim nuk mund të merret, derisa parlamenti të vendosë, së pari, krijimin e asamblesë kushtetuese”, tha Borisov, në një fjalim të drejtpërdrejt në televizion.

Ky është një nga lëshimet e para që kryeministri Borisov u ka ofruar protestuesve, në protesta që nga 9 korriku duke kërkuar që koalicioni i tij qeverisës të tërhiqet.

Koalicioni qeveritar është në pushtet që nga viti 2017 dhe zgjedhjet janë planifikuar për në mars 2021.