Përshkallëzohet sërish protesta e opozitës, hidhet molotov në derën e Bashkisë

Protestuesit e opozitës që mbështetësin ish-kryeministrin Sali Berisha dhe aktivistë nga Partia e Lirisë kanë hedhur disa herë molotov në derën e Bashkisë Tiranë, gjatë protestës së radhës të mbajtur sot.

Ky është tubimi i katërt që mbahet para institucionit të drejtuar nga Erion Veliaj, ku opozita kërkon sërish dorëheqjen e tij nga detyra, pas skandalit të korrupsionit me dosjen “5D”.

Dera kryesore e Bashkisë së Tiranës është rrethuar me barriera hekuri dhe një kordon policie është stacionuar për të penguar protestuesit që të mësyjnë në ambientet e brendshme të këtij institucioni.

Një numër i lartë forcave të policisë rrethuan zonën. Të pranishëm në protestë ishin përfaqësues të Rithemelimit (fraksion i PD-së) dhe Partisë së Lirisë në Këshillin Bashkiak dhe përfaqësues nga Aleanca për Teatrin.

Në një moment pati tensione mes protestuesve dhe policisë ku u qëllua me motolov në ambientet e jashtme të bashkisë.

Me pankarta në duar, protestuesit u përplasën fizikisht me efektivët e policisë, të cilët ishin vendosur aty për mbarëvajtjen e tubimit.

#Now
In #Albania, the opposition is protesting against the Mayor of #Tirana, #ErionVeliaj. Recently, the Prosecutor’s Office has arrested several directors of the Municipality for corruption. (26.04.24.) pic.twitter.com/oMTfX46dIL

— Isa Myzyraj (@IsamyzyrajAlb) April 26, 2024