Brenda 24 orëve, nëntë shoferë pa patentë u privuan nga liria
Ministria e Punëve të Brendshme njofton se, gjatë 24 orëve të fundit, janë privuar nga liria nëntë shoferë për drejtim të pakujdesshëm të automjeteve. Të gjithë personat kanë drejtuar automjetet pa patentë shoferi.
“Katër shoferë në Shkup, dy në Strugë, dy në Manastir dhe një në Prilep kanë drejtuar automjete pa leje përkatëse për patentë shoferi. Pas dokumentimit të plotë të rasteve, ndaj tyre do të parashtrohen kallëzime penale përkatëse”, njoftoi MPB.
MPB apelon që të respektohen rregullat e trafikut dhe të mos drejtohet automjet pa patentë shoferi ose nën ndikimin e alkoolit, për një komunikacion më të sigurt./Alsat.mk.
