Breshka Jonathan feston ditëlindjen e tij të 190-të

Ishulli i Shën Helenës në Atlantikun e Jugut po feston ditëlindjen e kafshës tokësore më të vjetër në botë – breshkës gjigante të Seychelles të quajtur Jonathan, i cili po mbush 190 vjeç.

Ndërsa nuk ka asnjë të dhënë të vërtetë për lindjen e tij, Jonathan mendohet të ketë lindur rreth vitit 1832, shkruan BBC. 

Ai u soll në Shën Helena nga Seychelles në 1882 si dhuratë për Sir William Grey-Wilson – i cili më vonë u bë guvernator.

Por Jonathan në fakt mund të jetë deri në 200 vjeç, sipas Matt Joshua, kreu i turizmit në Shën Helena.