Bretkosat e zeza “mutante” u zbuluan në Çernobil

Bretkosat në këtë pjesë të vendit supozohet të kenë lëkurë të gjelbër të çelur, por shkencëtarët që hulumtojnë pranë Çernobilit kanë zbuluar se këto bretkosa kanë një pigment dukshëm më të errët, madje edhe të zi, si pjesë e evoluimit në mjedis.

Shkencëtarët nga Spanja besojnë se lëkura më e errët e bretkosave të mutuara mund t’i ndihmojë ata të mbijetojnë në zonën e kufizuar. Herman Orizaola i Universitetit të Oviedos të Spanjës thotë se ai dhe kolegët i panë bretkosat në natën e parë të qëndrimit të tyre në Çernobil.

“Ne po kërkonim këtë lloj bretkosash pranë centralit bërthamor dhe zbuluam se shumë prej bretkosave ishin të zeza. “Melanina dihet se është përgjegjëse për lëkurën më të errët ose të zezë të shumë krijesave, duke përfshirë bretkosat,” thotë ai.

Ai thotë se melanina mbron nga dëmtimet e shkaktuara nga lloje të ndryshme të rrezatimit, nga UV deri tek jonizuesi – siç ishte në Çernobil.

Për qëllimet e studimit, Orizaola dhe bashkëpunëtori i tij Pablo Buraco mblodhën mbi 200 bretkosa meshkuj nga 12 pellgje të ndryshme, me nivele të ndryshme rrezatimi. Ata zbuluan se bretkosat brenda zonës së përjashtimit ishin më të errëta se ato jashtë.

Bretkosat më të errëta kishin një shans më të mirë për të mbijetuar kur ndodhi fatkeqësia në 1986 dhe kjo i bëri ata më të shumtë. Ata ishin në gjendje të mbijetonin dhe të riprodhoheshin më lehtë se normalisht bretkosat jeshile.

“Me kalimin e kohës dhe nga aksidenti kanë kaluar 10 deri në 12 gjenerata të bretkosave, kjo do të bënte që kjo bretkocë e zezë të mbizotëronte në zonën e ndaluar. Por duke qenë se niveli i rrezatimit është më i ulët sot, nuk dihet nëse bretkosat e zeza do të mbeten dominuese”, thotë shkencëtari.

Studimi është publikuar në Evolutionary Applications.