Çavkov dhe katër të burgosur të tjerë të infektuar me Kovid-19

Pesë persona të dënuar mes të cilëve edhe ish drejtori i Byrosë për Siguri Publike (BSP) Mitko Çavkov, të cilët gjenden në burgun e Shtipit për vuajtje të dënimit, janë të infektuar me Kovid-19, shkruan “Sakam da Kazam”. Përveç të dënuarve të infektuar janë edhe tre punonjës të burgut.

Çavkov, si ish drejtor i BSP-së, në burgun e Shtipit po vuan dënimin prej 16 vjet burg për ngjarjet e 27 prillit të vitit 2017 në Kuvendin e Republikës së Maqedonisë së Veriut. Ai fillimisht u dënua me 18 vjet burgim, por Gjykata e Apelit ia uli dënimin në 16 vjet.