Cilat vende në aeroplan ndjejnë më pak turbulencë?

Turbulenca gjatë një fluturimi nuk është e këndshme për askënd, veçanërisht për ata që kanë frikë nga fluturimi ose kanë stomak të ndjeshëm.

Megjithatë, duhet të dini se jo të gjitha pjesët e avionit dridhen njësoj.

“Do të ndjeni më së paku dridhje në mes të avionit”, shpjegon profesori Andreas Strohmeier nga Universiteti i Shtutgartit. Avioni dridhet më së paku aty ku krahët takohen me gypin.

Gjithashtu, pasagjerët e vendosur në mes të avionit ndjejnë më pak ndryshime në drejtimin e avionit.

Në të kundërt, pjesa “e shqetësuar” e avionit është bishti.

Kur piloti po përdor timonin, pasagjerët në pjesën e pasme të avionit mund të ndjehen sikur diçka po i tërheq pas sediljeve dhe në turbulencë sikur i shtyn.

Vendet në bisht nuk janë ideale as gjatë ngritjes.

“Kur avioni ngrihet, ata kanë përshtypjen se bien në ashensor”, thotë Strohmeier.