De Rouzen largohet nga San Antonio Spars?

Demar de Rouzen mund të largohet nga San Antonio Spars. Mediat amerikane raportojnë se basketbollisti me eksperiencë ka të drejtën e ndërprerjes së kontratës në vlerë prej 27.7 mln dollarë, që të bëhet basketbollist i lirë. Sipas mediave amerikane, ka një disponim të tillë edhe te vet basketbollisti, ndërsa si favorit për të firmosur kontratë përmendet ekipi i Detroit Pistonsit, i cili drejtohet nga Duejn Kejsi, ish trajner i Toronto Reptors.

Kujtojmë se De Rouzen u largua nga Toronto në vitin 2018, pas qëndrimit 9 vjeçar, për të veshur fanellën e San Antonios. Në fanellën e Torontos ishte katër herë pjesë e “ALL STAR” fundjavës, ndërsa një herë ishte zgjedhur në ekipin e dytë dhe të tretë të pjesës së rregullt të sezonit në NBA.

LEXO EDHE:

Back to top button