Rrugëtimi në merkaton e vefrës për Niko Uiliamsin përfundoi në mënyrë befasuese. Kjo pasi që spanjolli ishte lidhur me një transferim të bujshëm te Barcelona, me marrëveshjen që thuhej se ishte në prag të finalizimit.
Por bota e futbollit u shokua me vendimin e Nikos për të vazhduar kontratën me Atletik Bilbao-n për 10 vjetët e ardhshëm. Dështimi i transferimit të tij bëri që Barcelona të arrinte marrëveshje me Markus Rashfordin.
Mirëpo drejtori sportiv i kampionëve të Spanjës, Deko kishte për të thënë diçka ndryshe nga ajo çfarë është thënë rreth kësaj sage.
“Ne nuk e ndoqëm kurrë Niko Uilliams-in. Ishte agjenti i tij që na u afrua disa herë, jo ne që e ndoqëm. Atletik Bilbao duhet ta pyesë agjentin e tij. Ai nuk ishte pikërisht profili që po kërkonim… thjesht duhet të dëgjosh”, u shpreh Deko.
Niko Uilliams, gjatë këtij sezoni numëron 3 paraqitje ku shënoi 1 gol dhe 2 asiste./IndeksOnline
