Denveri mban kreun në Perëndim, disfatë për Lejkersat
Skuadra e Denverit mbron kreun e renditjes në Konferencën e Perëndimit, pas fitores 119-116 ndaj Orlando-s, ndeshje ku të gjithë titullarët e Nagetsit, realizuan mbi 10 pikë. Gordon me 25 pikë dhe Jokiç me një “triple double” (17 pikë, 10 kërcime e 14 asiste) bënë diferencën në fushë.
Çikago fitoi me lehtësi 132-118 ndaj kampionëve të Golden Stejtit, duke hyrë në zonën “play off”. Vuçeviç realizoi 43 pikë , duke i bërë të pavlefshme 26 pikët e Tompsonit.
Filadelfia mposhti në sekondën e fundit Los Anxhelos Lejkersin me shifrat 113-112, ku Xhoel Embiid realizoi 35 pikë e 11 kërcime.
Portland, falë 40 pikëve të Lillard, mposhti 140-123 Dallasin, ndërsa Los Anxhelos Klipers mundën 121-100 Hjustoni, ndeshje ku u dalluan Man me 31 pikë dhe Leonard me 30 pikë.
Mungesa e Durant ndihet te Bruklini, që u mund 112-102 nga Oklahoma Siti.
NBA – Rezultatet
Detroiti – Nju Jork 104-117
Klipers – Hjustoni 121-100
Çikago – Golden Stejt 132-118
Bruklin – Oklahoma 102-112
San Antonio – Sakramento 119-132
Denveri – Orlando 119-116
Portlandi – Dallasi 140-123
L.A.Lakers – Filadelfia 112-113