Derbi i javës së 8-të zhvillohet në Tetovë

Sot do të zhvillohen 4 nga 5 ndeshjet e planifikuara të javës së 8-të në Ligën e Parë Futbollistike të Maqedonisë. Në qednër të vëmendjes është dueli në Tetovë, ku Shkëndija me trajneri i ri, Qatip Osmanin, do të takohet me kampionin aktual, FC Shkupin.

Nën hije të kësaj sfide, lideri aktual Struga Trim do të kërkojë fitoren e 8-të në këtë sezon, kur përballet me Tikveshin. Ndërkohë në duelet e tjera, Rabotniçki takohet me Pobedën, ndërsa Akademia Pandev do të sfidojë Makedonija Gjorçe Petrovin.

Sfida e vetme, e cila do të zhvillohet gjatë ditës së diel është ajo në mes Skopjes dhe Bregallnicës. Kujtojmë se skuadra e SIleksit është e lirë.

Liga e Parë – Java 8

Shkëndija – FC Shkupi

Struga Trim Lum- Tikveshi

Rabotniçki – Pobeda

Akad. Pandev – Makedonija Gj.P.

Skopje – Bregallnica

Sileksi i lirë