Dimitrov: Kam pritur reagime pas konferencës, por nuk jam penduar për atë që thashë

Prisja sulme, disa mund të më kenë befasuar pak, por kjo është politika, asgjë nuk shkon lehtë, tha në në emisionin “360 Gradë” në Alsat, zëvendëskryeministri për Çështje Evropiane, Nikolla Dimitrov. Mirëpo, siç tha, nuk pendohet aspak për qëndrimet dhe komentet e shprehura në konferencën e djeshme për media.

“Prisja sulme, disa mund të më kishin befasuar pak, por kjo është politika, asgjë nuk shkon mirë. Kur njeriu thotë – do të hap një bisedë të pakëndshme, për atë se ku po shkon vendi ynë, çfarë bëjmë me klientelizëm, çfarë bëjmë me korrupsion, sigurisht që do të ketë sulme”, tha Dimitrov.

I pyetur nëse është penduar për atë që ka thënë, ai thotë:

“Nuk pendohem aspak”.