Dita e informatave me karakter publik, Hyseni: Bojçevës i pengon gjuha shqipe!

Në Agjencisë për Mbrojtjen e të Drejtës për Qasje të lirë në informacione me karakter publik dalin në shesh mosmarrëveshjet e zëvendësdrejtorit, Blerim Hyseni me drejtoren e institucionit, Pllamenka Bojçeva të cilën e akuzon për mos respektim të gjuhës shqipe, por edhe për çështjet tjera brenda dhe jashtë agjencisë. Akuzat shfaqen në ditën ndërkombëtare për qasje të lirë në informacionet me karakter publik.

Tani më një kohë të gjatë bashkëpunimi im me drejtoreshë nuk është në nivelin që duhet të ishte. Kjo për arsye të sjelljeve të saja të cilat nuk i përkojnë aspak me institucionin. Unë e kam të qartë se drejtoreshës mund t’i pengojë që të flas në gjuhën shqipe dhe këtë e kam dëshmuar në disa raste apo siç është video që prezantohet në konferencë ku folësja e vetme shqiptare fol në gjuhën maqedonase edhe pse ishim marr vesh për të kundërtën. I gjithë materiali për këtë ngjarje është përgatitur vetëm në maqedonisht dhe anglisht, por jo edhe në shqip”, tha Blerim Hyseni, zëvendësdrejtor i Agjencisë për Mbrojtjen e të Drejtës për Qasje të lirë në informacione me karakter publik.

Hyseni në fjalimin e tij kishte përgatitur adresimin e pengesave që i has në përditshmëri si vendimmarrje e njëanshme, udhëheqje e institucionit dhe shndërrimin i tij në pronë të drejtoreshës dhe mungesa e edukimit të institucioneve relevante për rëndësinë e qasjes në informata me karakter publik. Këto kritika Hyseni kishte planifikuar t’i thotë në konferencën e organizuar nga zyra e BE-së në nderë të kësaj dite, por siç thotë ai, në momentin e fundit u largua nga lista e pjesëmarrësve të ftuar.

Unë këtë e vlerësoj si tentim për të më censuruar mua dhe ngulfatur mendimin  ndryshe sepse nga të gjithë diskutuesit vlerësoj se jam me më së tepërmi eksperiencë në këtë lëmi. Megjithatë jam i bindur se nuk e kanë bërë zyrtarët ndërkombëtarë të delegacionit të BE-së, por disa të punësuar aty, në konsultim dhe të afërt me drejtoreshën”, theksoi Blerim Hyseni, zëvendësdrejtor i Agjencisë për Mbrojtjen e të Drejtës për Qasje të lirë në informacione me karakter publik.

Kërkuam qëndrimin e drejtoreshës Bojçeva për akuzat e Hysenit drejtuar saj, por deri në këto momente nuk morëm përgjigje.

Adrian Kerimi