“Do të marr masa hakmarrëse”, Rusia paralajmëron Britaninë e Madhe për sanksionet e vendosura
Rusia ka paralajmëruar ambasadorin e Mbretërisë së Bashkuar për pasojat e vendosjes së sanksioneve, të cilat mund të çojnë në shkatërrimin përfundimtar të marrëdhënies dypalëshe.
“Ambasadorit iu tha papranueshmëria e veprimeve të tilla shkatërruese, vazhdimi i të cilave do të çojë në mënyrë të pashmangshme në shkatërrimin përfundimtar të lidhjeve dypalëshe dhe dëmtimin e marrëdhënieve midis popujve të Rusisë dhe Mbretërisë së Bashkuar”, sipas deklaratës së Ministrisë së Jashtme ruse.
CNN raporton se në deklaratë thuhej se vendosja e sanksioneve ndaj mediave ruse vetëm për shkak se mbulimi dhe interpretimi i tyre i ngjarjeve që ndodhin në botë nuk është në përputhje me modelet perëndimore, konfirmon edhe një herë qartë dyfishimin dhe cinizmin e politikanëve britanikë, për të cilët një gjë e tillë si liria e media nuk është gjë tjetër veçse një mjet për zgjidhjen e problemeve të tregut.
Ministria akuzoi Mbretërinë e Bashkuar dhe zyrtarët e saj për vendosjen e sanksioneve dhe dhënien e deklaratave me “kërcënime” që janë “të ndërthurura me gënjeshtra dhe vrazhdësi të plotë” kundër Rusisë.
“Pala ruse do të vazhdojë të përgjigjet ashpër dhe me vendosmëri ndaj të gjitha sanksioneve të iniciuara nga Londra dhe të marrë masa hakmarrëse”, thuhet në deklaratë.