Doli jashtë Ukrainës për herë të parë nga fillimi i luftës, Zelensky mbërrin në SHBA

Presidenti ukrainas Volodymyr Zelensky ka mbërritur në SHBA, shkruan  CBS News, ku pritet të takohet me presidentin Joe Biden në Shtëpinë e Bardhë dhe të flasë në një seancë të përbashkët të Kongresit.

Zëvendëspresidentja Kamala Harris do të bashkohet me Biden për takimin dypalësh me Zelensky në Shtëpinë e Bardhë, tha zyra e saj.

Biden i bëri zyrtarisht një ftesë presidentit Zelensky të mërkurën e kaluar dhe ai e pranoi të premten e kaluar. Zyra e Nancy Pelosi u informua për vizitën gjatë fundjavës, duke vënë në lëvizje planet e përpunuara për ngjarjet e mëdha të së mërkurës.

Presidenti ukrainas Volodymyr Zelensky do t’i drejtohet Kongresit Amerikan në orën 19:30 me orën lokale , tha kryetarja e Dhomës së Përfaqësuesve Pelosi .

Planifikimi për vizitën e Zelensky u mbulua me fshehtësi për shkak të shqetësimeve të sigurisë derisa zyrtarët amerikanë konfirmuan udhëtimin të martën mbrëma.

Vizita e Zelensky vjen pasi Rusia ka shtuar sulmet kundër infrastrukturës kritike të Ukrainës me fillimin e dimrit, me forcat ruse javën e kaluar duke nisur një nga sulmet më të mëdha në kryeqytetin e Kievit që nga fillimi i luftës.