Dy ekipe angleze rivalizojnë Milanin, kërkojnë Asensio-n
Skuadra e Njukasëllit është skuadra e radhës që kërkon shërbimet e Marko Asensios. Anësori i Real Madridit pritet të largohet së shpejti nga ‘Santiago Bernabeu’.
Spanjolli nuk është pjesë e rëndësishme e planeve të ‘Mbretërve’, andaj largimi i tij duket i pashmangshëm. Kjo ka bërë që disa klube të monitorojnë situatën e anësorit.
Sipas ‘ESPN’, është skuadra angleze, së fundmi po rivalizon Milanin për lojtarin. Kjo pasi kampioni italian tash e një kohë thuhet se po vëzhgon spanjollin. Përveç tyre interesim për 26 vjeçarin ka shfaqur edhe lideri aktual i Premier Ligës, skuadra e Arsenalit.
