Gëzimin e pare, tifozët e morën nga skuadra, që siguroi fitoren e parë në Ligën e Kampionëve, pas 10 muajsh, ndërsa lajmi i dytë i madh erdhi nga zyrat e klubit, e cila konfimroi se Ansu Fati ka rinovuar zyrtarisht kontratën me klubin katalan deri në vitin 2027. Klauzola e largimit në kontratën e 18-vjeçarit është 1 miliard euro!
Që kur debutoi në ekipin e parë, nën drejtimin e Ernesto Valverdes, në sezonin 2019/20, sulmuesi 18-vjeçar nuk ka reshtur së thyeri rekorde dhe mahnitur botën e futbollit. Është lojtari më i ri që ka shënuar për Barçën në La Liga, më i riu që ka startuar në “Kamp Nou”, më i riu që ka debutuar në Ligën e Kampionëve.
