E rëndë: Gjendet e vrarë me thikë një grua në Vërtok të Gostivarit

Prokurori publik nga Prokuroria Themelore Publike në Gostivar ka nisur hetimet në një shtëpi në fshatin Vrutok, ku dje është gjetur trupi i pajetë i një gruaje. Ajo kishte disa plagë me thikë.

Sipas Prokurorisë Publike bëhet fjalë për një grua me origjinë nga Republika e Shqipërisë, e lindur në vitin 1967, e martuar dhe banuese në Vrutok.

Sipas informacioneve fillestare, vdekja e gruas ka ndodhur rreth 24-48 orë para zbulimit të saj.

Prokurori Publik ka lëshuar disa urdhëra për mbledhjen dhe ekspertimin e gjurmëve të gjetura në vend, si dhe për obduksion të të ndjerës. Gjurmët e para tregojnë se vdekja është e dhunshme dhe autori po gjurmohet./ Alsat.mk