Edshtadler: Çështjet bilaterale mes vendeve nuk duhet të pengojnë euro-integrimet

Austria përsëriti ofertën për ndërmjetësim në negociatat mes Shkupit dhe Sofjes. Ministrja për Evropë dhe Kushtetutë të Austrisë tha se asnjë çështjet bilaterale mes vendeve nuk duhet të pengojnë euro-integrimet.

“Më në fund të bëhet ky hap dhe besimi ndaj BE-së në rajon të rikthehet dhe të fillohet me negociatat e anëtarësimit. Ne duhet këtë ta shohim si tërësi dhe shoh rrezik të madh nëse për shkak të konflikteve bilaterale, diskurset ose çështjet e pazgjidhura nga historia, të bëhet gabim i madh dhe të mos fillohen negociatat”, tha Karolinë Edshtadler, Ministre për Evropë dhe Kushtetutë e Republikës së Austrisë.

Zv/kryeministri Nikolla Dimitrov tha nuk heqin dorë nga optimizmi për fillimin e negociatave me BE-në gjatë këtij vitit.

“Mendoj se investimi është shumë i madh dhe nuk kemi të drejtë të heqim dorë para kohe. Do të bëjmë gjithçka mundemi dhe mendoj se edhe shumë vende anëtare ndjejnë dhe e kuptojnë se është koha e fundit që këtë vit të ketë lëvizje serioze për më mirë për idenë evropiane në rajonin tonë. Është shumë e vështirë që kjo të besohet, nëse rasti i Maqedonisë nuk shpërblehet me një konferencë ndërqeveritare”, deklaroi Nikolla Dimitrov, zv/kryeministër për Çështje Evropiane.

LEXO EDHE:

Back to top button