Eksperiment i çuditshëm: A mund të gatuhet salmoni në makinë larëse enësh?

Italianët ishin të parët që përdorën një makinë larëse në këtë mënyrë, të ndjekur nga gjermanët dhe amerikanët që filluan të eksperimentojnë. Sigurisht që janë të paktë adhuruesit e këtij lloj gatimi.

Shefja dhe reporterja e The Kitchn, Christine Gallari, vendosi të provonte metodën e përgatitjes së salmonit në pjatalarëse.

Gjëja më interesante në këtë proces është se peshku përgatitet në këtë mënyrë gjatë larjes së enëve.

Kristina mori fillimisht dy copa salmon dhe i mbështolli mirë në letër alumini së bashku me vaj dhe erëza. Ajo futi peshkun në makinë, vendosi enët e pista, detergjentin dhe e ndezi për t’u larë.

Pas dy orësh larja ka mbaruar dhe siç ka shkruar ajo kur ka hapur lavatriçen nuk ka nuhatur asnjë erë të pazakontë.

Enët ishin të pastra dhe aromatike dhe më pas nxori salmonin. Kur hapi folenë, pa se peshku ishte gatuar në mënyrë perfekte dhe se nuk kishte fare erë si detergjenti për larjen e enëve.

“Kjo është një mënyrë e shkëlqyer për të përgatitur salmon. Natyrisht, nuk do ta gatuaja kështu nëse do të më duhej ta drejtoja makinën sepse kjo do të ishte humbje e ujit dhe elektricitetit. Në këtë mënyrë, kur mund të laj enët dhe të gatuaj peshk në të njëjtën kohë, mendoj se është një opsion i shkëlqyer”, përfundon Christine.