“El Clasico”, Real Madridi sfidon Barcelonën në Katalunjë

Në Spanjë afron momenti i “El Clasico”-s sfidës legjendare mes dy botëve, asaj blaugrana të Barcelonës dhe Los Blancos të Realit të Madridit, dy botë që nuk përputhen kurrë.

Reali i Madridit dhe Barcelona, pasi i arkivuan fitoret përkatëse në Ligën e Kampionëve janë përqendruar te kjo sfidë, ndër më të rëndësishmet e gjithë sezonit, e cila mund të vendosë dhe ecurinë e kampionatit.

Çavi duhet të bëjë llogaritë me disa lojtarë të dëmtuar apo në dyshim, që nuk ishin në përballjen me Bilbaon, duke nisur nga Robert Levandovski që në sfidën basket ishte në tribunë ku pa ta zgjidhte ndeshjen 16-vjeçari Mark Guju-n.

Gjithsesi polaku, ashtu si dhe De Jong kanë zhvilluar vetëm seancën e fundit stërvitore me grupin dhe bashkë me emra të tjerë si Pedri, Rafinjë, Kounde dhe Serhi Roberto mund t’ju lënë hapësirë të tjerëve. Ky do të jetë “El Clasico” i parë për Xhud Belingamin, investimi më i rëndësishëm i Realit të Madridit në verën e fundit, dhe protagonist absolut me një fillim sezoni prej superylli. Do t’i takojë anglezit bashkë me Vinicus dhe Rodrygo të tentojnë të vënë firmën në përballjen më të pritur të vitit në Spanjë.

Ançelotti ka ndonjë problem në mbrojtje me mungesën e Militaos, ndërsa pavarësisht rikuperimit David Alaba, nuk është në gjendjen më të mirë.

Barcelona dhe Reali i Madridit janë dy prej skuadrave më të mëdha jo vetëm në Spanjë por dhe në gjithë Europën, ato janë përballur plot 252 herë në të gjitha kompeticionet, me bilancin që thotë 99 fitore për Barcelonën, 52 barazime dhe 101 fitore për Realin e Madridit.