Elif Elmas, mungon në sfidën e balotazhit?!
Elif Elmas me dy gola të shënuara, ishte heroi i Maqedonisë në fitoren ndaj Islandës, por kartoni i verdhë, tani përbën një problem për Maqedoninë dhe trajnerin Blagoja Milevskin.
Kartonët nga eliminatoret nuk anulohen dhe ky ishte kartoni i dytë i verdhë për Elmasin, që do të thotë se Blagoja Milevski nuk do të mund të llogarisë për gjysmëfinalen e balotazhit. Elmas është një nga lojtarët kyç, ndaj mungesa e tij do të jetë një goditje e rëndë për Maqedoninë.
Përveç tij, Milevski nuk do të mund edhe në Tihomir Kostadinovin, i cili poashtu është ndëshkuar me kartona të verdhë.