EMV-ja mori licencën, nesër në mëngjes radiatorët do të jenë të ngrohtë

Gazetarë: Ile Petrevski

Në ditën e fundit para fillimit të sezonit të ngrohjes, Komisioni Rregullator i Energjetikës ia dha EMV-së licencat e punës për të marrë biznesin e energjisë termike në Shkup. Tani autoritetet sigurojnë se amvisëritë dhe kompanitë e lidhura me sistemin që menaxhohet nga BEG-u do të kenë ngrohje nga nesër. Rregullatori garanton një temperaturë të radiatorëve prej 21 gradë. EMV-ja shtetërore ka marrë licencat për prodhimin, shpërndarjen dhe furnizimin me energji termike.

“Me dhënien e këtyre licencave janë plotësuar të gjitha parakushtet e nevojshme për fillimin e sezonit të ngrohjes në qytetin e Shkupit më 15 tetor, përkatësisht do të fillojë nga nesër”, deklaroi Marko Bislimovski, kryetar i KRE-së.

Aktualisht shteti ka marrë gaz natyror për dy javët e ardhshme, por KRRE garanton se do të ketë ngrohje deri në fund të sezonit. Nëse nuk ka gaz, do të digjet burim tjetër i energjisë siç është nafta ose mazuti. Është e pasigurt nëse termocentrali privat TE-TO do të funksionojë për shkak të çmimit të gazit natyror në bursë, por Bislimovski thotë se banorët e Shkupit kanë pasur energji termike edhe para vitit 2012, kur ky termocentral ka filluar të funksionojë. Kjo kompani informoi se sezoni i ngrohjes në Serbi, Itali, Gjermani, Zvicër dhe vende të tjera më të zhvilluara kanë shtyrë fillimin e sezonit të ngrohjes dhe në disa vende temperaturat maksimale të garantuara të ngrohjes nuk kalojnë 19 gradë. /Alsat.mk