Ende nuk dihen shkaqet e zjarrit në ish frabikën e duhanit në Tetovë

Ende nuk dihen shkaqet e zjarrit në ish frabikën e duhanit në Tetovë

Gazetar: Bashkim Sulejmani

Nuk ka ende asnjë pistë për fillimin e hetimeve nga ana e prokurorisë, për zjarrin në ish kombinatin e duhanit në Tetovë.

Sipas informatave të televizionit Alsat në prokurorinë e Tetovës, vetëm është dhënë urdhër për nisjen e hetimeve nga ekspertët e Njësisë për hulumtime të zjarreve nga Shkupi, marrjen e dokumenteve të fabrikës dhe incizimet e kamerës së sigurisë, si dhe hetime mbi kompaninë e cila ka instaluar energjinë elektrike brenda kompanisë, pas çka, pas përfundimit të hetimeve, prokuroria e Tetovës, do vendos nëse ka elemente për nisje të procedurës hetimore dhe nëse shkaktar i zjarrit është ndonjë lidhje e shkurtër nga uji siç e thanë në fillim pronarët, apo ka të bëj me vendosje të qëllimshme të zjarrit nga faktori njeri.

Deri më tani, nuk dihet as edhe sa është dëmi total i shkaktuar nga zjarri që kaploi fabrikën, shuarja e të cilit, kërkoi intervenime si nga toka, po ashtu edhe nga qielli. Nga fabrika njoftojnë se, edhe më tej po bëhet verifikime të dëmeve.

YouTube video

“Ndryshe, që prej ditësh, brenda fabrikës, po punohet intensivisht për vënien e saj në funksion”, raporton gazetari i Alsat.mk, Bashkim Sulejmani.

“Kemi plot. Shumë ka dëme por ende saktë nuk e dimë, duhet të bëhet llogaritja e tyre sa është”, tha Ertan Memedaliu, pronar i fabrikës.

Zjarri në ish fabrikën e duhanit shpërtheu më 30 maj nga shkaqe deri më tani të panjohura. Për shuarjen e tij, u intervenua edhe nga qielli me helikopterët e Armatës së Maqedonisë së veriut.

Pas shuarjes së zjarrit, mbetën të lënduar dhjetë zjarrfikës dhe një person civil, i cili kishte ndihmuar në shuarjen e zjarrit./Alsat.mk

 

LEXO EDHE:

Back to top button