Erdogan me sulm ndaj Sorosit: Do që të frikësojë Ballkanin, nuk bën dot me ne siç bëri me Shqipërinë

Erdogan foli gjatë kthimit të tij në Afrik,ë ku i pyetur nga gazetarët  ai foli për luftën kundër terrorizmit do të vazhdojë me të njëjtin vendosmëri.

Erdogan bëri komente të jashtëzakonshme lidhur me deklaratën e 10 ambasadorëve për thirrjen për lirimin e Osman Kavalës, një filantropist i burgosur që nga viti 2017.

“Ajo që është Soros në komunitetin ndërkombëtar, është rasti Kavala. Tani po hyn edhe djali i Soros. Ai është si babai i tij. Ato duhen ndjekur me shumë kujdes. Për shembull, ata po përpiqen të depërtojnë në Ballkan, të frikësojnë Ballkanin. Natyrisht, ne nuk do t’u japim atyre një mundësi, ata nuk duhet të jenë. Ata bëjnë gjëra të ngjashme në Kosovë, Maqedoni, Shqipëri, kudo. Prandaj, ne duhet ta vendosim atë nën vetëdijen tonë një herë. Elhamdulilah, ne si Turqi jemi të fortë dhe nuk mund të depërtojnë tek ne. Ka një rënie serioze të numrit të terroristëve. Ne do të vazhdojmë luftën kundër terrorizmit me të njëjtën vendosmëri”, tha ai.

Sipas tij, Gjykata Europiane e të Drejtave të Njeriut ka marrë një vendin në lidhje me rastin e Kavalës, kështu që kërkesën e 10 ambasadorëve ai e konsideron si ndërhyrje të Sorosit.

Të hënën, në përvjetorin e katërt të ndalimit të filantropistit Kavala, ambasadat e Shteteve të Bashkuara, Kanadasë, Francës, Finlandës, Danimarkës, Gjermanisë, Holandës, Zelandës së Re, Norvegjisë dhe Suedisë lëshuan një deklaratë të të përbashkët, duke kërkuar lirimin e menjëhershëm të tij.