“Squid Game” kthehet në realitet! Ky ësht shteti i parë në të cilin do të luhet loja

Qendra Kulturore Koreane e Abu Dhabi donte të përfitonte nga suksesi global i “Squid Game” dhe për këtë arsye organizon të vetin për 30 pjesmarrës në vendin arab. Ngjarja do të përfshijë lojërat e preferuara të serisë si Green Light, Red Light dhe natyrisht në fund askush nuk do të humbasë jetën e tij. Deri më tani, dy seanca të ndryshme janë shpallur, me të parën që fillon më 12 tetor. 30 pjesmarrësit e parë do të ndahen në dy grupe me 15 veta dhe do të konkurojnë.

Loja do të luhet në stilin e turneut me play-off në dy pjesë dy orëshe. Lojtarët që do të eleminohen do të shikojnë pjesën tjetër të lojës nga podium dhe ndryshimi tjetër do jetë se në vend të shpërblimit 38 milionësh, ata do të fitojnë një uniformë si ajo e serisë. Për të marrë pjesë në lojën “Squid Game” në Abu Dhabi, së pari duhet të plotësoni një aplikim dhe t’u përgjigjeni disa pyetjeve kryesore në lidhje me lojën.

Kreu i Qendrës Kulturore Koreane në Abu Dhabi, Nam Chan-ëoo duke folur për gazetën lokale Khaleej Times dha disa informacione të tjera të tilla si: lojtarët do të veshin një bluzë me logon e serisë, ndërsa stafi do të veshë uniforma rozë me rrethin, trekëndëshin dhe katrorin si rojet e lojës me radhë.