Etiopia me kalendar autokton, feston vitin 2015

Etiopianët hynë në Vitin e Ri 2015 sipas kalendarit autokton. Dita e parë e vitit, e cila në Etiopi quhet “enkutata”, konsiderohet si fundi i sezonit të shirave, ashtu edhe fillimi i periudhës së vjeljes.

Kalendari etiopian, i njohur gjithashtu si kalendari Ga’ez, bazohet në Diell dhe është shtatë vjet e tetë muaj prapa kalendarit Gregorian. Ky kalendar përdoret si në çështje fetare ashtu edhe në ato zyrtare shtetërore në Etiopi. Kalendari ka 12 muaj nga 30 ditë secili dhe pesë ose gjashtë ditë shtesë që konsiderohen muaji i 13-të i vitit.

Çdo vit i katërt është një vit i brishtë dhe Viti i Ri fillon më 11 ose 12 shtator në një vit të brishtë. Etiopia gjithashtu përdor sistemin e vet të kohës ku dita fillon në 06:00, jo në mesnatë.

Dita përbëhet nga dy pjesë të ndryshme nga 12 orë secila dhe zona e parë kohore fillon në orën 06:00 dhe e dyta fillon në orën 18:00.