Fëmijët pranë “Usjes” në rrezik? Ambientalistët kërkojnë përgjigje
A ka ndonjë garanci se fëmijët që jetojnë në afërsi të “Usjes” nuk do të vuajnë pasojat e ndotjes së ajrit, pyeti Ambasada e Fëmijëve “Megjashi” në dëgjimin publik për lëshimin e lejes së re mjedisore A-të integruar për fabrikën e çimentos, e cila do të përcaktojë kushtet nën të cilat kapaciteti do të duhet të funksionojë për shtatë vitet e ardhshme.
Apeli është drejtuar Ministrisë së Mjedisit që së pari të hetojë nëse ka ndotje që vjen nga “Usje” me analiza të pavarura përpara se të vendosë nëse do t’u lëshojë atyre një leje të re operimi.
“Sipas hulumtimit të UNICEF-it, rreziku më i madh për shëndetin e fëmijëve është ajri i ndotur, dhe 11.6 përqind e vdekjeve tek të porsalindurit lidhen me ndotjen e ajrit. Jemi të shqetësuar për kërkesat e Çimentores për të rritur përdorimin e lëndëve djegëse alternative, pasi hulumtimet tregojnë se djegia çliron dioksina dhe furane, të cilat janë jashtëzakonisht të rrezikshme për fëmijët dhe shkaktojnë sëmundje malinje”, tha Megjashi.
Aktivistët janë të pakënaqur që vendi nuk ka vlera kufitare të përcaktuara për përqendrimet e lejuara të ndotësve në tokë, që do të thotë se ndotësit nuk mund të ndëshkohen.
