FFK zbulon logon dhe fanellat e reja

Federata e Futbollit të Kosovës (FFK) ka zbuluar logon e re në prag të eliminatoreve për Botërorin “Katar 2022”. FFK nga pranimi i saj në UEFA dhe FIFA, ka përdorur dy logo, derisa gjithmonë ka pasur kritika të shumta për logot e përdorura.

Me këtë rast , drejtuesit e Federatës zbuluan edhe fanellat e reja, të cilët “Dardanët” do të mbajnë në ndeshjet e radhës. Të mërkurën, Kosova do të përballet me Lituaninë në një sfidë miqësore, në stadiumin “Fadil Vokrri”. Ndryshe logoja e fundit e publikuar ka qenë ajo tri vite më parë.