Florentino Perez do të paraqitet në gjykimin ndaj Nejmarit!

Presidenti i Real Madrid, Florentino Perez thuhet se do të dëshmojë në një gjykatë spanjolle me 18 tetor kundër ish-presidentit të Barcelonës, Sandro Rosell për mashtrim të dyshuar në marrëveshjen e transferimit të Nejmarit. Sipas “Sport”, presidenti i “Los Blancos” do të jetë një nga 18 dëshmitarët e propozuar nga fondi brazilian i investimeve “DIS” në Seksionin e Gjashtë të Gjykatës së Barcelonës.

Nejmari iu bashkua Barcelonës nga Santosi për një tarifë të raportuar prej 57,1 milionë euor në vitin 2013, sipas “BBC”. “DIS”-it iu garantua 40% e tarifës, por protestoi se ata morën shumë më pak nga transaksioni. Ata tani kanë etiketuar akuzat për mashtrim kundër lojtarit, babait të tij, i cili është gjithashtu agjenti i lojtarit, Barcelonës dhe Santosit për pagesën e tyre më pak në të gjithë marrëveshjen. Fondi brazilian i investimeve ka propozuar dhe presidentin e Real Madrid si dëshmitar për të dëshmuar faktet e lartëpërmendura.

Ata gjithashtu kanë marrë lejene nga Perez për të ofruar intervistën e tij nga programi “LaSexta Jugones”, më 3 shkurt 2016 si video prove. Presidenti i “Los Blancos” mund të shihet duke verifikuar se duke paguar të gjithë mbajtësit e të drejtave, nënshkrimi i Nejmar arriti në 150 milionë euro.

“DIS” tani po kërkon kompesim monetar për dëmet e mashtrimit në marrëveshjen e supozuar prej 150 milionë eurosh. Ata gjithashtu kanë kërkuar pesë vjet burg për lojtarin dhe tetë vjet për Rossell dhe nënpresidentin e tij të atëhershëm, Josep Maria Bartomeu.

Së bashku me ta, babai i Nejmarit, Barcelona dhe Santos do të gjykohen gjithashtu si tre subjekte për rolin e tyre në këtë mashtrim të supozuar. Kjo është shtesa më e fundit e akuzave për mashtrim në lidhje me transferimin e Nejmarit që janë bërë tituj prej disa vitesh tashmë./Albeu/