Geret Bejll sërisht ka lënduar gjurin?!
Geret Bejll vazhdon me skenarët e ndryshme të paraqitjes te Real Madridit. Së fundit, 31 vjeçari u kthye nga ndeshjet me kombëtaren e Uellsit dhe u tha drejtuesve të klubit se ka një problem me gjurin, andaj nuk mund të stërvitet me grupin e futbollistëve. Mediat në Spanjë raportojnë se futbollisti po shpik për një problem dhe pret që të largohet nga “Los Blancos” për t’iu bashkuar Man. Junajted.
Skuadra spanjolle ka hequr fotot e tij nga faqja zyrtare e klubit dhe fanella e uellsianit nuk shitet më në dyqanet zyrtare të Real Madridit, me çka janë shtuar zërat e një largimi të shpejtë.