Gjermania lançon superkompjuterin më të fuqishëm të Evropës
Superkompjuteri më i fuqishëm i Evropës, Jupiter, do të zbulohet sot në Gjermani, në qendrën e kërkimit shkencor në qytetin perëndimor gjerman të Jülich.
Një kompjuter i quajtur Jupiter, sipas DW, mund të kryejë një kuintilion (18 zero) llogaritje në sekondë, që është e krahasueshme me pothuajse një milion telefona inteligjentë.
Sistemi prej 500 milionë eurosh, i financuar bashkërisht nga Gjermania dhe Bashkimi Evropian, ndodhet në Qendrën Superkompjuterike Jülich dhe fuqizohet nga 24,000 çipa Nvidia.
“Jupiteri do të jetë sistemi më i përparuar dhe i gjithanshëm me kapacitet prej një kuintilionësh në botë për simulime me precizion të lartë dhe trajnim të modeleve më të mëdha të inteligjencës artificiale”, tha Thomas Lippert, kreu i Qendrës Jülich.
Studiuesit shpresojnë që Jupiteri do ta ndihmojë Evropën të mbyllë hendekun e inteligjencës artificiale, ku ajo mbetet prapa SHBA-së dhe Kinës. Sistemi do të mbështesë gjithashtu parashikimet afatgjata të klimës, simulimet e trurit dhe inovacionin në energji.
Jupiteri është superkompjuteri i katërt më i fuqishëm në botë. Tre më të fuqishmit ndodhen në Shtetet e Bashkuara dhe janë të aftë të kryejnë më shumë se një mijë katrilionë llogaritje në sekondë.
