Gjykata e Apelit hedh poshtë ankesat e Boki 13 dhe Katica Janevës
Gjykata e Apelit mori vendim me të cilin konfirmoi aktvendimin e shkallës së parë për rastin “Reket”, 9 vite burg për Bojan Jovanovskin dhe 7 për Katica Janevën. Ankesat e tyre i hodhi poshtë si të pabaza. Jovanovski dhe Janeva për momentin janë në arrest shtëpiak. Të njëjtit kanë edhe një mundësi ta anulojnë vuajtjen e dënimeve me burg, duke dorëzuar ankesë pranë gjykatësit për shqiptimin e sanksioneve. Pikërisht ky gjykatës duhet ta saktësojë datën kur Jovanovski dhe Janeva duhet të fillojnë ta vuajnë dënimin me burg dhe nëse ka kushte për ta anuluar shkuarjen në burg.