Golat e Levandovskit e kushtojnë shtrenjtë për Barcelonën?!
Dy golat e ardhshëm të Robert Levandovskit do t’i kushtojnë Barcelonës edhe 1.25 milionë euro të tjera, edhe pse ata nuk mund të përballonin as të huazonin një lojtar në ditën e fundit.
Gjithçka vazhdon çmendurinë e verës së kaluar, kur dukej se po shpenzonin pafund dhe kishin nevojë për të aktivizuar ‘levat financiare’ për të nënshkruar me lojtarë. Kjo sigurisht dukej se ia vlente kur erdhi puna për nënshkrimin e Levandovskit, i cili u bashkua nga Bajern Munihu, dhe deri më tani ka shënuar 14 gola në 16 paraqitje në La Liga.
Në total ai ka 23 gola në të gjitha garat dhe sipas “Mundo Deportivo”, klubi i detyrohet Bajernit 1.25 milionë euro, pasi të arrijë 25 gola brenda sezonit, shifër e cila do të paguhet çdo sezon që ai e bën atë. Sulmuesi polak shënoi golin e 23-të të mërkurën mbrëma kundër Real Betis.
