Golden Stejt dominon Lejkersat, Nju Jorku mund Majamin
Skuadra e Nju Jorkut rihap betejën për një vend në finalet “play off” në Konferencën e Lindjes, pas fitores 112-103 ndaj Majamit. Një ndeshje e mirë për vendasit, ku u dallua Brunson me 38 pikë, mbështetur edhe nga Barrett me 26 pikë e Randle me 24 pikë. Për Majamin, dyshja Batler-Adebajo realizoi 37 pikë së bashku, pak për të synuar fitoren.
Me 3-2 udhëheq serinë e ndeshjeve gjysmëfinale edhe skuadra e Los Anxhelos Lejkers në Konferencën e Perëndimit, që u mund 121-106 nga kampionët aktual, Golden Stejti. Në fushën e saj, skuadra e Golden Stejtit nuk gaboi, duke dominuar e fituar falë 27 pikëve të Kerrit dhe 25 të Uiginsit. Për Lejkersat, Xhejms realizoi 25 pikë dhe Dejvis 23, por që mbetën për statistikë.
NBA-Lindje, Gjysmëfinale
Boston – Philadelphia, (2-3)
Neë York – Miami, 112-103 (2-3)
NBA-Perëndim, Gjysmëfinale
Denver – Phoenix, (3-2)
Golden State – Lakers, 121-106 (2-3)