Granit Xhaka reagon me mesazh të fortë në rrjetet sociale

Mesfushori shqiptar i përfaqësueses së Zvicrës, Granit Xhaka ka reaguar në rrjetet sociale disa ditë pas eliminimit nga Kupa e Botës “Katar 2022”.

Zvicra u eliminua në fazën e 1/8-tës pasi u mposhten nga Portugalia me rezultat të thellë 6-1. Disa ditë pas kësaj humbje, mesfushori shqiptar, Xhaka ka shfrytëzuar profilin e tij privat në “Instagram” për të bërë një reagim. Kapiteni i Zvicrës ka falënderuar të gjithë për mbështetjen teksa shton se do të rikthehen edhe më të fortë.

“Ndonjëherë futbolli dhemb. Vërtetë për të ardhur keq që Kupa jonë e Botës përfundoi ashtu siç përfundoi. Por dua t’ju falënderoj të gjithëve për mbështetjen tuaj gjatë turneut, kjo do të thotë vërtet shumë për ne. Do të japim gjithçka për t’u rikthyer më të fortë, përfaqësuesja e Zvicrës”, ka shkruar Xhaka në Instagram.

LEXO EDHE:

Back to top button