Grizman, në verë do të zbarkojë në kryeqendrën e Italisë

Sipas “TodoFichajes”, e ardhmja e sulmuesit francez te Barcelona, Antoan Grizman mund të jetë në Itali, më saktë te skuadra e Romës. Mirëpo kjo lëvizje mund të realizohet vetëm në merkaton e verës.

Presidenti i ri I skuadrës italiane, Dan Friedkin, po mendon për të bërë lëvizje të mëdha në ekip në verë dhe thuhet se caku kryesor do jetë afrimi i Griezmanit.

Klauzola e francezit është 80 milionë euro, por Friedkin kërkon të përfitojë nga situata e krijuar nga pandemia dhe ka gati një ofertë prej 65 milionë eurosh, për të bindur drejtuesit e Barcelonës, të cilët vështirë së do të pranonin ofertë poshtë 80 milionë eurove.