Hakohet profili zyrtar i Maradonës, vendosen foto të Peles
Ndryshohet profili zyrtar në Facebook i Diego Armando Maradona-s. Autori i sulmit ka publikuar një sërë fotosh dhe postime fyese kundër të paharruarit “Pibe de Oro”.
Hakeri, me sa duket i kombësisë braziliane, modifikoi imazhet e profilit dhe kopertinës së tij, duke zëvendësuar foton e kampionit që udhëhoqi Napolin drejt suksesit në fund të viteve ’80 dhe në fillim të viteve ’90 me një foto të Pelé. Ky veprim u shoqërua me komente vulgare dhe ironike për vdekjen e Maradonës dhe varësinë e tij nga droga në të kaluarën.
Ky është një gjest i turpshëm dhe i pahijshëm, që ka ngjallur zemërim dhe indinjatë. Autoritetet përkatëse janë njoftuar për ngjarjen dhe po punojnë për identifikimin e hakerit përgjegjës dhe marrjen e veprimeve të nevojshme ligjore.
Ndërkohë, tifozët e Maradonës dhe dashamirësit e futbollit në mbarë botën e dënojnë ashpër këtë sulm të poshtër në kujtimin e një prej lojtarëve më të mëdhenj në historinë e futbollit.
