Erling Haland shënoi në minutat e 27-të, 63-të dhe 72-të, duke e çuar totalin e tij në 12 gola për Norvegjinë në kualifikueset e Kupës së Botës. Haland ka qenë në ballë të serisë mbresëlënëse prej gjashtë fitoresh të kombit të tij, dhe tregolëshi i së shtunës vjen pas pesë golave të tij në fitoren 11-1 kundër Moldavisë në shtator.
Sulmuesi i fuqishëm u bë lojtari i parë që nga Hans Krankëll në vitin 1977 që shënoi po aq gola në një ndeshje kualifikuese për Kupën e Botës në Evropë.
Golat e Haland kundër Izraelit nënkuptojnë se ai tani ka shënuar 51 gola për Norvegjinë në vetëm 46 paraqitje, duke arritur këtë rekord më shpejt se disa golashënues të shquar.
Sipas Opta-s, norvegjezi e ka arritur këtë moment historik më shpejt se, Nejmari, Kilian Mbape, Harri Kejn, Robert Levandovski dhe dyshja legjendare Lionel Mesi dhe Kristiano Ronaldo.
