Hetimi i ri ndaj Shakirës: Ajo përballet me tetë vjet burg
Hetimi i ri ndaj Shakirës: Ajo përballet me tetë vjet burg
Një gjykatë spanjolle njoftoi sot se ka hapur një hetim të ri kundër yllit kolumbian të muzikës Shakira, në lidhje me mashtrimin e supozuar të tatimit mbi të ardhurat dhe vlerën e shtuar në vitin 2018.
Gjykata në qytetin verilindor të Espluges de Llobregat, afër Barcelonës, nuk dha detaje të tjera në deklaratë, raportoi Reuters.
Këngëtarja e njohur pritet të gjykohet në fund të vitit për një tjetër çështje lidhur me taksat e prapambetura prej 14.5 milionë eurosh që i detyrohet për periudhën 2012-2014.
Në këtë rast, prokurori kërkon deri në tetë vjet burg për yllin 46-vjeçar, emri i plotë i së cilës është Shakira Isabelle Mebarak.
Ekipi ligjor i Shakirës tha se do të komentonte më vonë gjatë ditës.