Hidhet poshtë nisma për referendum lidhur me ndryshimet në arsim

Komisioni parlamentar për sistem politik dhe marrëdhënie mes bashkësive ka refuzuar nismën për referendum lidhur me tekstet shkollore, të dorëzuar nga iniciativa qytetare “Libra dhe mësim patjetër të ketë”. Kryetarja e komisionit, Sonja Mirakovska tha se nisma u refuzua për shkak se nuk ishte e kompletuar. Mirëpo, ajo kujtoi se fillimisht duhet mbledhur 100 nënshkrime në Ministrinë e Drejtësisë, pastaj 10 mijë nënshkrime nga qytetarët për ta shndërruar këtë nismë zyrtare në Kuvend.

Nënshkrimet e qytetarëve për ngritje të një iniciative qytetare në nivel shtetëror nuk janë dhënë në formularë para organit kompetent për evidentimin e të drejtës për votim në kuadër të lëndës që punohet. Kjo për arsye që në formularet ku janë nënshkrimet e qytetarëve nuk ka vërtetim me vula dhe firmë të personit zyrtar”, tha Sonja Mirakovska, Komisioni për sistem politik dhe marrëdhënie mes bashkësive.

Përfaqësuesit e iniciativës qytetare “Libra dhe mësim patjetër të ketë” u shprehën të revoltuar ndaj vendimit të komisionit. Thanë se mbeten në qëndrimin për tërheqjen e propozim ligjit për tekstet shkollore.

Kjo nuk do të na ndaloj që procedurën ta vijojmë deri në fund dhe sipas protokolit të urdhëruar adminisrativo-teknik. Ne publiisht do ti paraqesim datat dhe vendet për mbledhjen e nënshkrimeve dhe do ti ftojmë qytetarët që sërish të japin mbështetjen e tyre. Patjetër ta them se ishim të ftuar vetëm për ti dëgjuar vendimet. As që ishim të pyetur për ndonjë mendim e as që na u dha fjala pavarësisht që e kërkuam”, theksoi Dragana Spasevska, “Libra dhe mësim patjetër të ketë”.

Pakënaqësitë rreth propozim ligjit, prindërit do t’i dorëzojnë edhe në zyrat e BE-së dhe asaj të UNICEF-it. Gjithashtu paralajmëruan edhe organizimin e protestave të reja. Pas vendimit të Komisionit për sistem politik reagoi edhe opozita maqedonase e cila tha se 10 mijë nënshkrimet e kërkuara do të mblidhen shpejt ndërsa qytetarët do të shprehin të drejtën e tyre në referendum për propozim ligji e ri për tekstet shkollore.

Melihate Rustemi