Historiani holandez zbulon thesarin mesjetar

Një historian holandez gjeti një thesar unik ari mesjetar 1000-vjeçar, i përbërë nga katër varëse veshësh ari, dy shirita fletësh ari dhe 39 monedha argjendi, njoftoi Muzeu Kombëtar Hollandez i Antikiteteve.

Lorenzo Ruijter, 27 vjeç, tha se ka qenë në kërkim të thesarit që kur ishte 10 vjeç. Ai e zbuloi atë në vitin 2021 në qytetin e vogël verior të Hoogwoud, duke përdorur një detektor metali.

“Ishte shumë e veçantë zbulimi i diçkaje kaq të vlefshme, nuk mund ta përshkruaj. Nuk e prisja kurrë të zbuloja diçka të tillë”, tha Ruijter, duke shtuar se ishte e vështirë ta mbash sekret për dy vjet.

Ekspertëve të Muzeut Kombëtar të Antikiteteve iu desh kohë për ta pastruar, investiguar dhe datuar objektet e thesarit dhe tani kanë zbuluar se monedha më e re mund të datohet rreth vitit 1250, gjë që i bëri ata të supozonin se thesari ishte varrosur atëherë.