Djali i Mijallkovit merret në pyetje, MPB lëshon fletarrest ndërkombëtarë
Djali i Sasho Mijallkov, Jordan Mijallkov është thirrur për bisedë informative në polici. Nga MPB nuk japin detaje, por sigurisht është ftuar për mbledhje të informacioneve pas arratisjes babait të tij. Nga MPB njoftuan se kundër Sasho Mijallkovit tashmë është lëshuar edhe fletarrest ndërkombëtarë pas vendimit të Këshillit Gjyqësorë pranë Gjykatës Penale. Ish kreu i Drejtorisë për Siguri Kombëtare u arratis 4 ditë para aktvendimit për rastin “Target-Fortesa”, gjegjësisht rastin për përgjimet e paligjshme dhe shkatërrim të pajisjeve për përgjim.